Haqiyqiy Ommaviy Portal

KIM OPERATSIYA XONASIDAN QOCHIB KETGAN?

Dj_Umid — Fri, 07 Jan 2011 04:51:46 GMT

Bugungi "Bolaligim" sahifasi orqali "Marka" guruhining yoshligi haqida bilib olasiz. Suhbat chog'idagi eng qiziq suhbatni o'qishga sizlarni chorlar qolamiz.

-Assalomu alaykum! Hush kelibsizlar

-Assalomu alaykum!
- Bolalik deganda ko'z oldingizga nima keladi?
- Dilshod: Nimagadur o'zimni hali ham yosh bola deb his qilaman. Lekin umuman olganda, yoshlikka ta'rif beradigan bo'lsam bolalik muammosiz hayot. U payt kichkinagina biror muammo bo'lsa juda kattadek tuyulardi ammo hozir ana shuni eslasam u muammo umuman muammo emas ekan. Balki yillar o'tib 40-50 yoshga kirganimda hozirdagi muammo ham unchalik muamomasdek tuyular. Lekin bolalik juda antiqa davr sababi biror ayb ish qilinsa kechirilib ketiladi. Ammo meni yoshlikda juda erkalatib yuborishganini ko'pchilik aytadi hatto do'stim Javlon ham shunday deydi.

- Javlon: Yoshlik bolalik deganda ko'z oldimga magnitafonim, bastakor bo'laman deb orzu qilganim va albatta sevimli kassetalarim ko'z oldimga keladi. Bolalikda sevimli insonim Maykl Jeksonga juda havas qilardim. Bilasizmi agar inson bolalikdan kimgadir havas qilsa, shu insonga aylanib qolar ekan. Demoqchimanki men ham, meni hamma tanishini istagan edim. Orzuim shukurki amalga oshdi. Yoshligimda juda ham haqiqat parvar bo'lganman hozir ham shundayman. Lekin juda yuvosh bo'lganman. Bolalikda ko'chaga juda kam chiqardim chunki

Suhbatga Dilshod qo'shilib:

- Dilshod: Yig'loqi bo'lgan, yig'loqi

- Javlon: Yo'q yig'loqi deyilmaydiku.

- Dilshod: Yig'loqi deydi. Hop degin.

- Javlon: Yo'q, yo'q yig'loqi deyilmaydi rasm chizib o'tirardim.

- Dilshod: Qalamini olib qo'ysa yig'lab o'tirardi.

- Javlon: Yo'q yig'loqi, urishqoq emas, urishqoqlarga reja tuzib berar edim.

- Dilshod: Ha to'g'ri, juda aniq va to'g'ri reja tuzadi.O'zimni bolaligimga keladigan bo'lsak yuvosh bola emaku juda sho'x bola bo'lganman. Bog'chaga oborishsa gruppadan ko'chaga chiqib ketar edim. Uyga kelsa ko'chaga chiqib ketardim, yana kinolarda yugurib uchib yuradigan bosh qahramonlarga o'xshashni juda istaganman. Ko'chaga chiqib ularga havas qilgan holda amalda sinashni yaxshi ko'rar edim. Esimda qolgani oynai jahonda "Superman"i ko'rib ko'chada daraxtdan sakrashim kerak edi. Reja bo'yicha hammasi yaxshi ketayotgan edi. Oorqamda plashim haqiqiy emas ediku

- Javlon: Vannani pardasini yertib olgansan

- Dilshod: Ha ya'ni pardani osib sakramoqchi bo'lib sakragan edim. Ming afsuski bu umuman o'xshamagan va esda qolarlisi lat yeganman.

- Javlon: Hozir Dilshodni gapidan meni ham esimga bir narsa kelib qoldi.

- Dilshod: Hozirgina o'ylab topdim degin (kulib)

- Javlon: Yo'q. Senga ham aytib bergan edim.

- Dilshod: Esimda.

- Javlon:Ko'chada ota-onam mashinaga meni o'zimni tashlab ketishganida hayolga berilib, kino qahramoniga o'xshashni istab kimdirlarni mashinadan tushib , harakatlarini qilib karatislarga o'xshab hammani urib sakrab yurganman. Shu shu ozroq vaqt o'tgach sekinlik bilan qarshimda turgan ikki yigitga qarasam meni ustimdan rosa kulishgan, o'sha payt juda qattiq uyalib ketganm edim. Shu mashinaga bekinib olib o'tirgaman. Mana shunaqa voqealar ham hayotimda ro'y bergan.

- Yoshlikdagi laqablaringiz qanday bo'lgan?

- Dilshod: O'zi men bolaligimdan ya'ni bog'cha paytdan qo'shiq kuylashga qiziqqanman. O'sha payt "Xo ya la yala qizgina", "Jamalagi tilo qizgina", "Bozorga boradi qizgina" do'ppi oladi boshi og'riydi, shunga o'xshash qo'shiqlarni kuylaganimda ko'pchilik meni hopiz deb chaqirgan. Ismlardan kelib chiqadigan bo'lsak, ismim Dilshod bo'lgani uchun, Dilshodlarga juda ham moda bo'lardi hattoki she'r ham to'qishgan. Dili, Dili dumbali dumbasidan uzvoli dumbasi yoliqqina somsaga boliqqina qo'shig'ini ham to'qishgan. Bilganlarim shu, eng esimda qolgani Dili Dili dumbali.

- Javlon: Meni esa negadir toshbaqa deb chaqirishgan, sababi hamma ishni juda sekin qilganim uchun. Undan keyin "Jekson" deb chaqirishgan sababi sevimli insonim Maykl Jeksonga taqlid qilib raqsga tushishni juda yaxshi ko'rar edim. Yana "Joker" deb chaqirishgan bu nom menga juda yoqanligi sabab,taxallusim Mr Joker ko'pchilik meni ismimni bilmaydi hatto.

- Yoshlikda nimalardan qo'rqar edingiz? Misol uchun tish do'xtiri…

- Javlon: O', men do'xtirlardan rosa qo'rqaman. Hatto bolalikda doktor stolidan juda qo'rqqanman hatto operatsiya xonasidan qochib ketganim ham esimda. Albatta bolalikda hamma bir narsadan qo'rqadi kimdir kuchukdan, kimdir balandlikdan yana kimdur qorong'ulikdan men esa doktorlardan hozirgi kungacha qo'rqaman. Hozirgacha do'xtirga borib qolsam qo'limdan qon olish kerak bo'lib qolishsa ham qo'rqaman lekin bildirmaslikka harakat qilaman. Bir-xillari bilib qolib, ha uka qo'rqar ekansiz a deyishadi. Ha qo'rqaman deb qo'yaman.

- Dilshod: Men 3 sinfgacha devzra guruchidan qo'rqardim. Chunki bog'chada obetda uhlamasam hozir devzra kelib seni olib ketadi deb qo'rqitishardi. 3 sinfgacha o'sha devzradan qo'rqardim. Keyin deyarli hech narsadan qo'rqmas edim. Hattoki yoshligimda do'xtirlardan qo'rqmas edim sababi uydagilarim do'htir. To'g'ri og'rig'iga yig'lagan paytlarim ham bo'lgan lekin yur do'xtirga deyishsa qo'rqmas edim Hozir Javlon meni nazarda tutib kimdur kuchukdan qorqadi dedi. 7- sinfimdan boshlab, to hozirgacha kattami kichikmi kuchuklardan yomon qo'rqaman.chunki kuchuk meni yoshligimda qo'rqitib qo'ygan. Endi hozir kuchuklar bilan do'stlashishga harakat qilmoqdaman. Lekin Javlon maslahati esa menga kuchukdan qo'rqmaslik uchun kuchuk boqgin deydi. Qanday qilib kuchukdan qo'rqsam kuchuk boqaman. Hozir faqat kuchuklardan qo'rqaman.

- Tilaklaringiz…

- Javlon: Bolalar tilak qilayotganda yaxshi narsani tilak qilinglar san'atkor bolaman deb orzu qilamanglar chunki juda mashaqatli ish, bu albatta hazil. Yaxshi o'qinglar agar zo'r joyda ishlashni istasangiz yaxshi o'qinglar. Ko'pincha kattalar aytadi o'qing, o'qi deb to'ppa to'g'ri o'qish kerak. Kam bo'lmaysizlar.

- Dilshod: Aziz bolalar men ham Javloni gapiga qo'shilaman. Agar zinani oxiriga chiqishni istasangiz yaxshi o'qing.

Obid Asomovning hayoti hamda ijodi

Dj_Umid — Thu, 06 Jan 2011 12:08:16 GMT

Obid Asomovning hayoti hamda ijodi

Obid Asomov 1963 yil 22 oktyabr kuni Toshkentning Chilonzor tumanida tavallud topgan. Otasi - Asomov A’zam Abbosovich. Onasi - To’xtaxon Asomova. Oilada 4 ta farzand bo’lishgan. Ikki o’g’il va ikki qiz(ming afsuski bevaqt o’lim Sobit Asomovni ularning orasidan erta olib ketdi). 1971 yil jajjigina Obid 128 o’rta maktrabga o’qishga chiqqan. Buni qarangki, boshqalardan farqli ravishda Obid Asomov maktabga 8 yoshida chiqqan. Oktyabr oyida tug’ilgan bo’lganligi uchun 7 yoshga yetmagan, - deb 1970 yil maktabga qabul qilishmagan. Yosh yigitchada 4 - sinfdan boshlab rasm chizishga qiziqish uyg’ona boshlagan. 8 sinfgacha maktab darslari bilan paralel ravishda Respublika pionerlar saroyida rassomchilik to’garagiga ham qatnagan. So’ng Binkof nomli rassomchilik bilim yurtida 4 yil tahsil olib, qizil diplom bilan o’qishni bitirgan. Shu orada qiziq bir tasodif tufayli qiziqchilikka ilk qadamlar qo’yilgan. Qiz sinfdoshlarini ota-onalari yosh bo’lishiga qaramay 8 sinfni tamomlagani zahoti birin-ketin uzatishni boshlashgan. Uzatilayotgan qizlarning birini to’yida o’rta olib boradigan odam bo’lmay qolgan. Ashulachi-yu, sozanda bor, aynan o’rta olib boruvchi yo’q. Sozandalardan biri bir guruh yigitlarni(bu bir guruh yigitlar – Obid Asomov hamda uning sinfdoshlari edi) oldiga kelib, "orangizda xonandalarga navbat beradigan, gapga usta bolalar yo’qmi?”, - desa barcha sinfdoshlar bir bo’lib, qo’lini bigiz qilib, mana deya Obidni ko’rsatishadi. Sinfdoshlarni aynan Obidni ko’rsatganligiga sabab, kichik Obid maktabda hazil-huzul qilib, latifalar aytib, hammani kuldirib yurganligi uchun bo’lsa ajab emas. Ilk bor to’y xashamda mikrofonni qo’liga ushagan yigitcha hali kelajakda eng mashhur qiziqchi bo’lib yetishishini tasavvur ham qilmagan edi. Birinchi to’y olib borishi el nazariga tushgan shekilli, keyin uyga eshik taqillatib keladigan bo’lib qolishgan. Bir-ikkitasiga rad javobini berishiga qaramay to’ylarga taklif qilaverishdi.. Bir tarafdan rassomchilik uchun bo’yoq va boshqa anjomlariga pul kerak, to’ydan esa aynan mana shu sarf-xarajatni qoplaydigan pul tushib turibdi, kimga ham yoqmaydi, deysiz. Pulga to’yga chaqirgandan keyin, o’sha olayotgan pulini oqlash kerak, buni tushungan bo’lajak san’atkorimiz o’z ustida ishlay boshladi. Mirzabek Xolmedov u paytda eng zo’r qiziqchi edi. Palon to’yga Mirza kelibdi, - desa, yarim Toshkent ko’chib borardi. Hatto, Mirzani vaqtiga qarab to’ylar belgilanardi. Rassomchilikni bitirayotgan paytida Obid Asomov ismini ham butun Toshkent bilib boshladi. Shu orada rejissor Hamid Qahramonov "Shunchaki hazil” nomli ko’rsatuv chiqardi.
1983 yili mana shu ko’rsatuvga taklif qilishdi va birinchi marta TVda Obid Asomov paydo bo’ldi. Institutni a’lo baholar bilan bitiganligi uchun Rossiya poytaxti Moskvadagi Surikov institutiga rassomchilik bo’yicha tahsil olishga yo’llanma berishgan. Obid Moskvaga borib reja tuzadi, "agar Surikov institutiga o’qishga kira olsam, demak Moskvada yashayman, qiziqchilik yig’ishtiriladi, faqat rassomchilik bilan shug’ullanaman. Agar kirolmasam rassomchilik ikkinchi o’ringa o’tib, qiziqchilik birinchi o’ringa chiqadi”. Imtihonlardan so’ng, o’qishga kira olmaganligi ma’lum bo’ladi. Birgina yo’nalish bo’yicha ikki baho olganligi uchun imtihonlardan o’ta olmaydi. Agarda hamma bahosi 3 bo’lgan taqdirda ham o’qishga qabul qilinar edi. Chunki 16ta Respublikaga bittadan joy berilgan. O’zbekiston nomidan esa aynan Obid Asomov borgan. Institut rektori Bandarenko Asomov chizgan rasmlarimni ko’rib, imtihonlardan oldin oldiga chaqirtirib, "Restovratsiya” fakultetiga kirishini tavsiya etganda, abiturient Asomovning g’ururi yo’l qo’ymay, "Jivopis”ga hujjat topshiradi. Imtihonlar yakuni esa sizga ma’lum. Toshkentga qaytib kelgach, qarasaki hamma tanish-bilishlari o’qivotti, hatto ba’zilari Rossiyaga borib o’qishga kira olmaganligidan kulishgan ham. Mana shu ustidan kulganlar uyalib qolsin, deb keyingi yili Rassomchilikka o’qishga kiradi.
1984 yilda o’qishga kirgan talaba Asomov institutni 5 yil(aslida o’qish 6 yil bo’lgan) o’qib qoldirib ketishga majbur bo’ladi. Chunki, 5 - kursda tahsil olayotgan Obid har kuni TVga chiqar edi, to’ylarga borar edi. Institut dekaniga esa bu hol yoqmas edi. Yoki qiziqchilik, yoki o’qishni tanlashiga to’g’ri kelgan. Shunda Obid Asomov hech ikkilanmay ariza yozib, o’qishni yig’ishtiradi. 1989 yilda taniqli kinorejissor Latif Fayziev kinosinovga chaqiradi va Obid Asomov kinodagi o’z ishini Hindiston bilan birgalikda suratga olinayotgan "Ovchi” filmidan boshlaydi. Ilk filmning o’zi anchagina omadli keladi. Ya’ni,. ikkinchi rejissor Umesh Mehra bo’lgan "Ovchi” filmida o’sha paytning super yulduzi Mitxun Chakroborti bilan birgalikda filmda rol ijro etadi. Mana shu filmdan so’ng turli filmlarga takliflar ko’paya boshladi. Oradan ko’p muddat o’tmay Mirzabek Holmedov, To’xtamurod Azizov, Botir Muhammadxo’jaev, Sobit Asomov va Obid Asomov 5 kishi bir bo’lib, "Ko’zgu” nomli teatr tashkil etishadi. "Ko’zgu” teatri qisqa fursat ichida tan olinib, xalq ko’nglidan joy oladi. Hatto, Xalqlar Do’stligi saroyida o’sha paytning "rekord ko’rsatkichi” - 14 kunlab ikki mahaldan konsert ham beriladi. Bu orada Obid Asomov hozirgi "O’zbeknavo”, o’sha paytdagi "O’zbekestradasi”da ham faoliyat yuritadi. 1993 yilda Obid Asomovning orzularidan biri ushaladi. Aniqroq qilib aytadigan bo’lsak, "Obid-A” teatrini tashkil qiladi. Hozirda Obid Asomov 4ta shirindan-shakar farzandlarning otasi. 3ta qiz va bitta o’g’il. Dilorom, Nargiza, Odilxon hamda Nozima.

Путин куйлаганда Медведев Шохруххон билан

Dj_Umid — Tue, 04 Jan 2011 09:24:39 GMT

Россия рахбарлари санъатга боғлиқ янгиликлари кундан кунга кўпаймоқда.

Бир ёқда Президент Медведев Хиндистонда бўлган пайтида «Яш Радж Филмс» киностудиясида бўлди.
У ерда Россия ва Хиндистонлик ижодкорлар хамкорлигида суратга олинган "Индус" номли кўп сериялик фильмни эътиборига тақдим қилишди.

Киностудияга Россия президенти ташриф буюрар экан, оммавий ахборот воситалари соддаларча хабар беришгандек машхур актер Шохруххон ва Карина Капурлар айнан шу куни тасодифан бир фильмга рақсларни суратга олиш билан машғул бўлиб, тасодифаааан Президент билан учрашиб қолишади.

Суратларга қараб....

Шохруххон ўзида йўқ хурсаааанд бола пақир))))))) (одноклассникка, йўғэ фейсбук ёки уларда хиндоклассникми ишқилиб расминиям қўйиб қўйгандир)) Йўқ ман умуман соддалашибман, Шохруххон бу учрашувни видеомонтаж, камида клип ва мини хинди фильм қилиб сайтига қўйишгаям улгурибди))

Карина-ку умуман бир хафта қўлини ювмаса керак))))))

Энди бу Шохруххонни "рангли-рангдор", яъни фотошопсиз суратларига қарар эканман, нимасини шунақа яхши кўришар экан? Бунча шу қорамағизни фанати кўп бўлмаса деб ўйланиб қолдим. Менимча Шохруххонга энг севимли таомингиз, йўғэ, нарсангиз деган саволга "Дермокол" деса керак))))

Хаяжондан ўйнаб хам кетган шекил)))

Бу орада собиқ Президент Путин Санкт-Петербургда Шэрон Стоун, Кевин Костнер, Моника Белуччи, Венсан Кассель, Микки Рурк, Ален Делон, Жерар Депардье ва бошқа бир қанча машхурлар билан оғир касаллик билан оғринган болакайларга хайрия шоусида куйлаб юборди.
Аввалига у пианинода "С чего начинается Родина" (Ватан нимадан бошланади) машхур қўшиғининг мусиқасини чалиб беради. Кейин эса инглиз тилида джаз йўналишида қўшиқ хам куйлайди.

Хамма рақсга тушсииин)))

Қўйида видеоларни хам тақдим қиламиз.

Путин куйлаганда Медведев Шохруххон билан

Юлдуздан пул олмайман! Рустам Сагдиев.

Dj_Umid — Tue, 04 Jan 2011 07:33:37 GMT

Рустам Сагдиев бугунги кундаги илғор режиссерлардан бири. Лекин кўпчилик уни аслида клипмейкерликдан, хусусан Юлдуз Ибрагимовнанинг клипларини суратга олишдан бошлаганлигидан хабари бўлмаса керак.

2 январь куни хоним Ибрагимов-нанинг икки клипини суратга олган Рустам Сагдиевга Юлдуз анча вақт ижодий хиёнат қилди.
Суратга олиш жараёнида хар икки ижодкорнинг фикрлари жуда қизиқ кечди.

Рустам Сагдиев кинорежиссер лекин клип хам суратга олади. Лекин хаммага хам эмас!

У кимларга клип олади ва нима учун?

Ибрагимовна нима учун қозоқ тилида куйланган "Оқ баян" қўшиғига анча муддат ўтиб клип суратга олдирди?

Қирғизларга бу қўшиқни алоқаси қандай?

Рустам Сагдиев юқори "бахоси" нима учун Юлдузга текин?

Мазкур клиплар учун Москвадан махсус стилист сауратга олиш майдончасида Ибрагимовна атрофида "гирдикапалак".

Клип "Раскадровка"си эскизларини, клип тайёр бўлмасидан, хатто монтаж ишлари бошланмасданоқ сизлар биринчи бўлиб танишасиз.
+ суратга олиш жараёнидан ВИДЕО!